逢星期日朝早, 我都會和老婆參加團契.
老婆強調每星期參拜基督是不可或缺的事, 因此她總無所不用其極拉我起床, 包括揭開我的被子, 捽我腳板, 唱好難聽的歌, 務求迫使我起床!
其實, 我好想賴床! 但由於曾應允老婆逢週日都會和她到教堂, 因此我都盡量配合, 以免影響夫妻感情!
我聽聞, 每個基督徒都有自己信教見證:
有些說是神挽救了婚姻, 有些是醫好了絕症, 有些在接聖經時出現中風情況, 有些更祈禱至發軟蹄, 令我既好奇, 又擔心.
我問老婆: '你有咩野見證?'
她說: '我一生經歷咗好多野, 都見證了神對我嘅保守, 包括工作, 健康, 家庭......'
'咁你最勁果樣見證係咩?' 我問.
(男人永遠最喜歡問最勁果次係咩, 我都唔知點解!)
其實, 我更想聽她如何答, 看看能否挑戰她, 甚至推翻她的看法.
這時, 她捉著我手, 少有地溫柔說:
'我曾祈求神, 賜給我一段美好的婚姻, 一個最好的男人, 這不是出現了嗎?'
我聽完, 條氣GUR晒!
其實, 講開見證, 我便經歷過!
話說中三時, 我在英華書院讀書, 都有唔少基督徒!
我隔離位的同學, 便經常向我傳教, 令人聞風喪膽!
他什麼事都禱告一餐: 有一次和他一起等巴士, 當時風大雨大, 巴士來到卻擠滿了人, 我倆上不到車.
這時, 他雙掌合十, 眼望上蒼, 昂然站在巴士站祈禱! 好悲壯的樣子!
果然沒多久, 巴士來了.
他說: '全靠神聽我祈求, 賜我倆巴士!'
我說: '巴士唔祈都會黎啦, 有咩希奇姐?'
他說: '不同的, 這架巴士, 欣欣你沒發覺嗎? 特別多位架!'
我沒理他, 顧住上巴士, 心中有點厭惡他.
第二天, 考數學!
考前, 他提議一起祈禱求神加力.
我問: '神會聽嗎?'
他斬釘截鐵說: '會的!'
我說: '好啦, 我祈! 我求神若你真係勁嘅話, 就令我今次數學考100分啦!'
其實, 我數學科一向普通, 及格沒問題, 但要拿100分簡直是癡人說夢!
一副難為神情, 他說: '你咁屈機架?!'
我得戚地說: '放心, 神"無所不能"架嘛! 呵呵......'
考完.
3日後, 派卷, 我72分!
我拿著卷在同學面前晃動, 說: '唉, 得72分咋!'
同學默不作聲.
老師派完卷, 說: '今次你地考得好差, 無鬼用!'
突然, 他又說: '無辦法啦, 全班每人都加30分!'
72 + 30 = 102 !
SHIT~~~
我拿得比100分還多!
那同學這時變得好HIGH, 頻說什麼'神把更多賜給你'云云.
這是我人生一個最難忘的100分,
因為, 我覺得勁恐怖!
Search